跳至网页内容

GE2213 Understanding Uncertainty and Statistical Reasoning 認識不確定性與統計推論

C

以事論事
我係極度唔推薦讀呢個課程既。
首先,佢個名叫「認識不確定性與統計推論」,當初我就係俾呢個名吸引左入去,連GE指南都冇睇清楚原來自從轉左呢個TUTOR之後完全係爛GRADE。
結果入到去,每一堂教既都係政府點樣做統計,點樣畫GRAPH,極少計數,基本上就只係教左一至兩種有用既計算方法,但係都唔係日常用到既。

成個課程係傾向背書,而成個課程入面我完全學唔到關於不確定性既野,而所謂統計推論都係非常之兒戲既一件事,都係啲簡單如 03年沙士導致既關動 (即係高級廢話)。
所以冇心理準備就千萬唔好諗住入去讀,而所謂STAT底只係話有統計相關知識而唔係相關數學技巧。(例如 咩係UNDEREMPLOYMENT等等,以下會詳講)

其次,教學方式係非常奇怪。
TERESA 係一個年紀比較大既導師,所以聲線就一定唔充足但係佢就唔係好慣用咪,再加上佢套口音會令到有時候比較難去捉摸到佢既意思。

而最難受係你永遠唔清楚佢想教咩,個課程要求你學咩。
以致到有以下三個出入 :
1. 你想學既野同你學到咩係完全唔同
2. 佢想教既野同你學到咩都係好唔同

例如做PROJECT係做 EMPLOYMENT SITUATION既分析,個PROJECT好要求學生去畫好多GRAPH,但係教左去畫圖表技巧係非常缺少,即係就算有上堂都會發現自己做左好多低級錯誤 (呢層我自己有一定責任)。

接番上面,個課程基本上係失焦,係一堆唔知做緊乜既混合體。

以下係總結。

上堂收到既NOTES 係政府官方數字,同埋介紹統計方法既筆記。
例如俾左死亡數字、人口數據等等。
然後有教你點畫人口金字塔,點樣去計死亡率等等既RATIO。

而PROJECT做既係分析EMPLOYMENT SITUATION,要畫既係折線圖、棒形圖等等,唔係咩人口金字塔,而折線圖呢D最基本既圖表表達方式佢反而係ASSUME你係識既。

而EXAM考既係一堆唔知咩既混合體。
36條填充題,入面有8成係文字。
內容包括香港2013人口中位數、咩野AGE GROUP = OLD,邊個地區人口密度最高、UNDEREMPLOYMENT既定義、乜乜乜SURVEY叫咩名,幾多年做一次等等。

而真係考數既題目,只有3條。
反而係簡單到百分比既計算,連SD都未曾出現。

總結: 其實個課程根本就唔係咩野認識不確定性與統計推論,而係統計常識科。

而作為學生,我只能夠話佢既教學方式好混亂,課程大綱冇重點且離題(可能我唔識,但係我係番足堂),而且考試範圍出人意料,同ASSIGNMENT、PROJECT係完全冇連貫性。

除左係程序要求外,我都係唔好敢信有人真係會拎到A,個種讀STAT會知道EXAM係出背書題既悟性簡直係我平生所見之高。

都係個句,自己睇路。

分享这则留言

你可以用分享按钮 将这则留言分享到各大社交平台,亦可以将本页的网址直接分享给朋友。