跳至網頁內容

CHIN1001 University Chinese I 大學中文 I

評核項目
  • 不設考試
  • 不設小測
  • 設有個人報告
  • 不設小組研習
開辦學期
2017/18 Summer 2017/18 Sem B 2017/18 Sem A 2016/17 Sem B 2016/17 Sem A 2015/16 Sem B 2015/16 Sem A 2014/15 Summer 2014/15 Sem B 2014/15 Sem A 2013/14 Sem B 2013/14 Sem A 2012/13 Sem B 2012/13 Sem A
平均工作量
A+ (2)
A (1)
A- (9)
B+ (20)
B (6)
B- (1)
C+ (1)
C (0)
C- (0)
D (0)
Fail (0)
Dropped (0)

40 則留言 撰寫留言

2016/17 Sem B

B+

功課:2份札記,睇完文章再寫有咩感受同體會,家中做。
1份自學練習,做下錯別字同認下簡繁字,有做就有分,家中做。
1次3-5分鐘堂上個人短講,題目選擇會提前比你,可以係屋企預先準備,題目多數關於時事議題或大學生活,唔算太難。
1次30分鐘堂上小組討論,形式似城市論壇,每人自擬一身份,根據身份取適當立場發言,題目選擇亦會提前給小組,小組內同學可以預先傾做邊題,商議發言次序同內容。
1次堂上說明文寫作,形式似綜合,比文章你,再整合內容,但唔洗加自己意見,大約寫500字。
1次堂上論說文寫作,最後一堂寫,題目關於時事議題,大約寫1500字。
功課大部分唔太難,可以係屋企準備。

2016/17 Sem A

A

一個非常好既老師,講野有意思,但又受人尊敬,可以學到好多野。我台灣人,來香港讀書前亦在內地讀過一段時間書。我一直覺得對兩岸三地理解好透徹,但上完伍老師堂後,先知道自己知道的只是冰山一角。好老師!

2016/17 Sem A

B+

鄭sir 上堂有時講D好笑野,等個氣氛冇咁悶。
功課方面,兩份札記、一個個人present、一個小組討論、兩份堂上作文,全部可以上網找資料。
個人present 嘅題目可以係 canvas 找到。題目幾貼地。
總括都ok。

2016/17 Sem A

B+

先講一講呀Sir,人唔錯,你肯問佢肯答! 講野有時係悶左d,但有時址去現實生活中既例子都幾有趣,(但訓既都係好多。。。)如果你玩電話訓教,佢係唔會理。。。 Btw記得黎上堂,記attendance,頭個幾次佢有點人數,之後就冇了。自己衡量啦!
功課唔多,都係兩次札記姐加一份錯別字簡繁體轉換工作紙姐,要求係至少寫滿一頁A4 Size紙,我兩次札記都寫滿兩頁。一次札記入面要包含兩篇文章既讀後感。我第一次B+,第二次唔知,但肯定比第一次好。少少提醒:每篇札記要平均,寫到有關連既更好!我第一次就冇做到呢兩點所以得B+.....
錯別字簡繁體轉換係超易!快既10分鐘就做完,慢既1個鐘都搞點!因為係屋企查字典,問下人,上下網就有了,5%根本係送!
之後有一次小組討論同演講,其實冇乜野,好濕碎乍!小組討論重點係揀立場,同揀身份,唔洗驚時間太長,因為係太短,唔夠時間發揮自己既最好。演講記得唔好淨係望呀Sir,望下其他人。揀題目唔好揀最簡單,易簡單愈易失分(因為人人都一樣,容易有比較)
最後就係寫篇論說文,唔洗諗住每班題目一樣,因為係唔同。。。作文既時候係open book,俾你拎住電話即刻揾料,早作完早d走。簡單!

呢個呀Sir唔錯!真心Reg得過!

2016/17 Sem A

B+

賴老師好好人 真係有料 (好似係CHIN1001嘅課程主管) 上堂氣氛輕鬆 功課認真批改

如果係要搵缺點嘅... 佢有時講中文會有少少政治成分 我自己就幾受落 不過唔肯定係咪個個都鍾意 仲有就係佢手字有少少難睇LOL

呢科唔計Grade 但係如果你真係想輕輕鬆鬆去學中文嘅話 揀賴老師就冇錯 前提係你要揀到 (佢一年好似只係開一班)

2016/17 Sem A

B+

課程編碼:CHIN1001-T15
CRN編碼:17099
地點:AC1 Y5-205
時間:12:00-14:50(約3小時)
課程長達13個禮拜,計出席率,唔夠8成就扣分,最多可以走2個Section
如果你系上莊/有大Project忙就唔好Reg呢科

計分Assigment有:
10% Week 3 課外閱讀札記(一)(約800~1000字)
5% Week 6 自學教材練習
10% Week 8 課外閱讀札記(二)(約800~1000字)
15% Week 8 課堂寫作:概括說明練習(約600字,2小時)
15% Week 9 課堂口語練習(約3分鐘)
20% Week 12 說話能力評核活動(小組討論,共30分鐘)
25% Week 13 課堂寫作:論說文(3題選1題,約1000~1500字,約3小時)

【課外閱讀札記】:做札記前,Canvas會有齊16篇課文
當中有4篇會在頭5個禮拜教授,剩餘的12篇可以自選
2次課外閱讀札記所選文章不能重複,每次札記所選文章可多於一篇,但只限於比較2篇或以上文章之相異或優良之處,每次札記不能提交2篇獨立的札記

【自學教材練習】:繁簡字、錯別字對應練習,可以在Week 3到Canvas下載
Week 6落堂前交Hard Copy,Sofy Copy恕不接受

【課堂寫作:概括說明練習】:佢會俾幾篇新聞報導/調查,然後要求你按照題目將資料概括為約600字的文章,同DSE綜合既整合一樣,上堂做,落堂交

【課堂口語練習】:約2個禮拜前Canvas會上載數條題目,你可以選擇1條,然後在Week 9用不多於3分鐘時間,口頭回答該題目

【說話能力評核活動】:由於系小組討論,所以會在早幾個比禮拜已經成組,每組4~5人,請選擇良好品格的隊友,在下擇友不善,在該活動中馬有失蹄,竟被隊友取笑,故此得B+。約2個禮拜前Canvas會上載數條題目,導師會供各組別自行隨機抽取其中1條題目。每人自訂自己角色/身份(如:立法會議員/律師等,現實不一定存在的也可以),然後各自為該題目用3分鐘表達各自意見,及後15分鐘作小組討論,嘗試說服不同的意見

【課堂寫作:論說文】:大約3小時,差唔多系整堂,所以唔好遲到,導師唔會俾翻時間你。3條題目任選1條,可以自攜資料,或者上網搜尋,然後寫1篇1000~1500字文章

後記:100%出席率,~100%參與程度(導師每條題目都有答,而且落堂後有討論相關課題),但在【說話能力評核活動】中擇友不善,不幸在該活動中馬有失蹄,隊友不但沒有拯救,還被數名隊友(全是商學院人)取笑,救人有分都唔攞,系都要一齊死,傻的嗎?故此成績只得B+

2015/16 Sem A

B+

Workload:
1. 閱讀札記 x2 (800-1000字)
會放十零篇文上Canvas,揀兩篇寫,基本上言之成理就會過關,當然因為本身類似評論+心得,更能表達自己想法者更佳
2. 自學教材練習
錯別字同繁簡字對應,會放上Canvas(但係會到時間先release to public,防止事先做完),有交就算錯到七彩都有分,但係相當容易
3. 課堂寫作: 概括說明
類似DSE咁有份卷要概括一篇文章既大體內容
4. 課堂口語練習
唔記得做過咩
5. 說服能力評核活動
基本上就係類似城市論壇,Role-play+辯論形式既活動,唔係好明白個準則係咩,但係同樣地唔好有粗口+合理便可
6. 課堂寫作: 論說文 (25%)

因為係三仔班,所以就算呢科爛GRADE都可以讀到GE1501,都唔會計落你個CGPA,但係本身難度低,因此唔駛話好似擔心UE咁擔心呢科會炒粉就GG,只不過計Attendance所以除非話可以走/病咗有假紙,否則絕對唔能夠走

2015/16 Sem B

B+

Workload:
1. 閱讀札記 x2 (800-1000字) (20%)
(係指定文章內選兩篇寫感想,注意係每份札記選兩篇,一共要選四篇。 文章佢會俾唔使自己揾)

2. 自學教材練習 (5%)
(「錯別字」同「繁簡字對應」,會Upload上Canvas,自己Down落黎做好交俾老師。麗音老師講到明有交就有齊5%,唔理對錯。)

3. 課堂寫作: 概括說明 (15%)

4. 課堂口語練習 (15%) (3分鐘說明,6大題任選一題)

5. 說服能力評核活動 (20%)
(30 mins Group Discussion/Debate,類似城市論壇,每組每人就一個議題,扮唔同持分者發表意見,一開始每人有3mins講自己的意見,然後自由發言)

6. 課堂寫作: 論說文 (25%) (可以邊寫邊上網Search資料做論據)

另外Week 2同Week 11會各有一次不計分的課前/課後測驗。
20題MC,模擬政府公務員考試UC卷的模式 (冇記錯的話),唔難,主要係捉錯別字、揀啱語境的詞語、睇下有冇用詞不當邏輯唔啱咁,堂上會教+Common Sense足以應付,而且唔計分冇壓力~ 做兩次主要係For你睇下自己上完堂有冇進步。

堂上主要係教返對運用中文的細節,執返大家寫中文果時可能會出錯的事 (e.g. 錯字、Wrong logic、用錯詞語...),for你執正自己篇文。 前幾堂會分組睇下文章然後每組講下對篇文章的睇法,(自由講,唔使刻意去分析個文章用左咩手法果D DSE野,只係感想/你想講的),後面會教下錯別字、說明、論說,論說係重點。 雖然係補底班教Basic野,但覺得都有得著~

麗音老師好Nice,上堂氣氛好輕鬆,幾中意用小組形式活動,會邀請人講野,不過唔會有好大壓力 (我係上堂一向唔敢講野的人,但都接受到),因為麗音老師好包容大家既想法,唔會批判你或者有Modal Answer,比較似傾計。 佢會努力記得你個名,但唔係For mark底你做咩,只係一種對學生的Respect。 上堂佢唔會受限於教學大綱/Notes,覺得可以唔使做的佢唔會做,內容偏向時事,麗音老師會將教的野融會入時事到Elaborate下,係個好老師,推薦大家Reg :)

(Grade得B+應該係因為我Last篇論說文出左事)

注意大學要求要返足8成Attendance (即係唔可以走多過2-3堂),雖然麗音老師唔係特別注重,遲到早走as long as 你有到過簽左到佢都係當你有返,第一堂果時仲講笑問我地依家大學生遲到的標準係咪仲係15分鐘。 遲到左的話就咁入去就得,但佢唔會等齊人先開始。

仲有,商學院學生的功課會有副本交返去商學院,That's 商學院要求的~

2015/16 Sem B

B+

上堂都幾hea 成日同學生吹水但覺得比分有d嚴
工作量:
做2篇札記
2次口語
1篇概括說明
1篇作文
都算好grade身邊好多人b+/a-

2015/16 Sem B

A-

劉老師係一位好好既老師, 上堂唔悶, 會講下時事, 教下我地人生道理, 好難訓得著
獨立之精神, 自由之思想 <-我諗上過佢堂既學生一定記得
與其他老師唔同, 劉老師會係第一堂同我地分組, 之後係四個week入面, 每組present一篇文章
功課:
1. 兩份閱讀札記
用小小時間,用心寫,寫番小小有心度既野,劉sir會比到好高分
2. 概括說明
其實好似DSE卷五既整合部份, 將幾篇文剝皮拆骨, 抽絲剝繭搵番D有用既野出黎
3. 口語練習 (說明)
寫篇演講詞出黎, 題目好廣, 幾乎寫咩都得咁濟, 但係切忌上網成篇抄落黎照讀, 唔好當人白痴, 啊sir個個sem上幾班上左咁多年, 你講幾句佢已經知你係咪抄出黎
4. 說服能力(論壇)
好似城市論壇咁, 簡一個角色去游說其他人, 同組員做足準備, 好似DSE卷四咁你駁我我駁你
5. 論說文
最後一堂堂上作, 題目唔太難, 亦不涉文化, 題目主要圍繞時事, 1000字鬆d就得, 重質不重量
6. 自學教材
半個鐘內可以完成, 唔識就搵google幫手

2015/16 Sem A

A-

本身中文唔差, 係DSE炒左1份卷U左搞到中文得3

講返個course, 基本上好輕鬆, 功課量唔會話太多
大部分都係上堂做
課堂功課:
1. 概括說明 15% : 類似卷5, 係一堆資料入面搵有用既資料用黎說明返成件事
2. 口語練習(概括說明) 15% : 自選題目, 雖然有題目但其實好自由, 例如可以說明一件新事物, 而咩係新事物就你自己決定
3. 說服能力 20% : 類似論壇, 圍繞一件時事作討論, 各人有各人角色同立場
4. 論說文(1000-1500字) : 堂上寫,唔需要驚, 3個鐘時間實夠, 而且俾帶電腦搵資料
真係功課:
1. 兩篇札記(各10%) : 唔會話難, 睇兩篇文寫自己既評論
2. 自學教材(5%) : 錯別字+簡化字, 有做就得

賴老師好NICE, 上堂氣氛好輕鬆, 每份功課都會有評語
說話評核完左, 又會耐心同你講你有咩問題點改善
上堂有咩問題都有問必答. 比分都算鬆手(當然唔會計GPA)

2014/15 Sem B

B+

自認本身中學時中文成績差,拎到呢個分算唔錯。功課有兩份最少一千字既札記(20%),一份網上練習(5%),兩個堂上寫作練習(35%)同埋兩個堂上演講(40%)。最麻煩既功課一定係城市論壇,要準備好多資料,雖然係一組組嚟演講,但呀SIR係獨立比分,所以同FD先好報。 (PS自己一個人上,遇到ON_,搶人時間係度_UP)。同埋係札記好難寫到D野可以好inspire到個tutor,唯有內容寫多D去拎高GRADE 。其他好似個人演講、最後果堂既議論文寫作跟番NOTE同埋TUTOR上堂講過既要求嚟做就得啦!至於網上練習,可以down個繁簡字互換既APP去做功課,超快搞掂!

頭四堂最輕鬆;之後就好多野教/做。每堂TUTOR會TICK名,第3次走堂就開始減分。劉SIR上堂講野好生動,唔會好易就訓着!

2014/15 Sem A

B

正如眾多留言所講,鄧立光絕對係一個好老師。

老師上堂帶給學生寶貴既知識。喺課堂上,佢好少教中文上既知識,因為佢認為大學中文呢一科,求其搵一個中學老師來教都識教,反而佢帶比學生好多人生上既哲理,反思自己既不足之處。好多時都係傳授道德上既道理,令到學生有所啟發。

三個鐘既課堂,好多學生因為老師既沉悶課堂,都會上堂玩手機,玩電腦,發下夢,得過且過,但上老師既堂覺得好有意義,唔單止有知識上既增長,更重要係學會做人處事既守則。

不過,佢已經離開左城大,無再教了。