GE1108 The Silk Road: A Pathway of Interactive Culture from the Ancient to the Modern World

Q: 呢科係咪會拎靚grade？
A: 算係。只要上堂準時，即係唔好遲過15鐘，做齊堂課（算易做，有聽書，就識做，唔洗用太多腦），已經可以拎齊課堂分。郭SIR畀分原則：做得好，盡畀高分；做得錯，會盡體諒。所以，個grade差極有限。

Q: 拎高grade有冇乜準則？
A: 有。多啲請老師，睇下自己嘅匯報方向有冇問題，或者點先可以做得更好。另外，不論係GIS (Term Paper)，定係Project都最緊要有根有據，即係有出處（參考文獻）。幾多出處先叫好？梗係越多越好！我800字嘅GIS就有30幾個出處。

Q: 多唔多功課做？
A: 見仁見智。
─小組報告 20%（個人 10%；合作10%。兩次匯報，一次簡單；一次深入）
─網上評論 10%（本嚟係做兩次，郭SIR見我哋首次匯報唔錯，減少咗一次）
─GIS Project 30% （個人 20%；合作10%。將匯報變成論文咁，類似term paper）
─西安考察 25% (考察表現5%；考察練習15%)
─上堂 20% (大課15%；導修5%)

Q: 考察正唔正？
A: 勁正。導遊 ─ 超哥，後生又有幽默感，聽佢講解，包冇悶場，坐車嗰陣會玩下問題遊戲，等大家投入啲。臨去機場嗰陣，佢仲唱咗首張學友嘅《祝福》，憑歌寄意。超哥畀我嘅感覺係用心會帶大家參觀，而唔係得過且過。

另外，我哋一班同學都相處得唔錯，大家夜晚嗰陣成班人去搵郭SIR玩房game。就算完咗呢個行程，我哋一班同學都有搵郭SIR RE-U。

Q: 上堂學唔學到嘢？
A: 見仁見智。郭SIR、屈大成係講得比較有趣，錢華就一般。

總體評價：呢個課程最好嘅地方，梗係唔係硬繃繃嘅內容，而係活生生嘅人。呢個course，師生融合，冇隔膜。你幾何去參察，會去到阿SIR間房玩房game？你完咗course，仲會唔會一班人報團再玩過？所以，識得揀，一定揀GE1108，而且仲要揀郭錦鴻！

我基於各種原因只是為了可以去西安旅遊先reg呢科
workload方面同CAH其他的GE無咩大差別
只要好似小學生勤力程度便ok
不過拎到A有點驚訝，以為只會得B+或A-

一個ＰＲＥＳＥＮＴ，兩個網上討論，
一個８００字ＣＩＴＩ　ＷＩＫＩ
一個ＦＩＥＬＤ　ＴＲＩＰ　＋　一頁ＲＥＰＯＲＴ
每次上完堂都有堂課，，，
麻麻地＝　＝　　

都係一次present(group),一個輕鬆嘅三日考察,同一齊做個 group web,算好輕鬆。
阿sir正,上堂氣氛好,學到嘢。

大部分導師有心教leature
課堂練習易 (有時參考朋友/有時自己意見)
presentation 要求唔高 (呀sir會比指引/意見/自己參考上年)
三日兩夜番大陸考察,很好的體驗,又平 (做番張野當係final report)
ps:聽足呀sir咁做就冇問題了

要求好高